3, జనవరి 2022, సోమవారం

చుట్టూపక్కల చూడరా చిన్నవాడా పాట లిరిక్స్ - Chuttu Pakkala Choodara Chinnavaada Song Lyrics in Telugu - Rudraveena (1988) Telugu Songs Lyrics









చిత్రం: రుద్రవీణ (1988)

సంగీతం: ఇళయరాజా

సాహిత్యం: సిరివెన్నెల సీతారామశాస్త్రి

గానం: యస్.పి.బాలసుబ్రహ్మణ్యం

 


చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా

చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా


కళ్ళ ముందు కటిక నిజం

కానలేని గుడ్డి జపం

సాధించదు ఏ పరమార్థం

బ్రతుకును కానీయకు వ్యర్థం

సాధించదు ఏ పరమార్థం

బ్రతుకును కానీయకు వ్యర్థం

 

చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా

 

స్వర్గాలను అందుకొనాలని వడిగా గుడి మెట్లెక్కేవు

సాటి మనిషి వేదన చూస్తూ జాలి లేని శిలవైనావు

కరుణను మరిపించేదా…చదువూ సంస్కారం అంటే

గుండె బండగా మార్చేదా…సాంప్రదాయం అంటే

కరుణను మరిపించేదా…చదువూ సంస్కారం అంటే

గుండె బండగా మార్చేదా…సాంప్రదాయం అంటే 

 

చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా

 

నువ్వు తినే ప్రతి ఒక మెతుకు ఈ సంఘం పండించింది

గర్వించే ఈ నీ బ్రతుకు ఈ సమాజమే మలచింది

రుణం తీర్చు తరుణం వస్తే…తప్పించుకుపోతున్నావా

తెప్ప తగలపెట్టేస్తావా…యేరు దాటగానే

రుణం తీర్చు తరుణం వస్తే…తప్పించుకుపోతున్నావా

తెప్ప తగలపెట్టేస్తావా…యేరు దాటగానే

 

చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా


కళ్ళ ముందు కటిక నిజం

కానలేని గుడ్డి జపం

సాధించదు ఏ పరమార్థం

బ్రతుకును కానీయకు వ్యర్థం 

 

చుట్టూపక్కల చూడరా చిన్నవాడా

చుక్కల్లో చూపు చిక్కుకున్నవాడా



 

కామెంట్‌లు లేవు:

కామెంట్‌ను పోస్ట్ చేయండి