చిలకమ్మా ప్రతి రేపవలూ వెంటాడినదే నీ జ్ఞాపకం పాట లిరిక్స్ - Chilakamma Prathi Repavalu Ventadinadhe Nee Gnapakam Song Lyrics in Telugu - Aasa Aasa Aasa (2002) Telugu Songs Lyrics

చిత్రం : ఆశ ఆశ ఆశ (2002)

సంగీతం : దేవా 

సాహిత్యం : సిరివెన్నెల సీతారామశాస్త్రి

గానం : ఉన్నికృష్ణన్, అనురాధ 

 

చిలకమ్మా ప్రతి రేపవలూ 

వెంటాడినదే నీ జ్ఞాపకం

అమ్మమ్మా తొలిచూపులనీ 

కనుపాపలలో నా కాపురం 

చిన్న చిన్న కలతలు 

చిన్న చిన్న అలకలు

వచ్చిపోయె అతిథులు మనకే 

వంద ఏళ్ళ బంధనాల 

తీపి ఏమి మారిపోదు

రోజువారి ఇంటిగొడవలకీ

ప్రేమన్నది ఉన్నచోటా 

ఆఆఆఆ.. 

కలహం ఒక చిన్న ఆటా 

ఆఆఆఆ.. 

 

చిలకమ్మా ప్రతి రేపవలూ 

వెంటాడినదే నీ జ్ఞాపకం

 

మరుమల్లెల మంచంలో

చిరు చీకటి దుప్పటిలో

సరికొత్త రకం సరదాల సుఖం

సరసంగా నేర్పేదా

అటు జాబిలి చూస్తోందీ

కిటికీ తెరిచే ఉందీ

తెలుపెయ్యకనే తంటాలు పడే 

ఈ తొందర తప్పు కదా

ఆలు మగలమేగా అంత దూరమేలా

మోజు తీర్చగా మెల్లగా చల్లగా చేరవా

 

చిలకమ్మా మొహమాటపడి

మోహాన్ని మరీ పెంచావే

అమ్మమ్మా మాటే వినని 

మహ మొరటుతనం నేర్చావే

 

ఆ తొలిరోజుల తమకం

ఈ పెదవుల చలి గమకం

అది ఇప్పటికీ నా ప్రతి అణువు 

దాచిందే పదిలంగా 

ప్రతి పూటా చీరలనీ 

నగలే తెచ్చివ్వమనీ

వేధించాగా సాధించాగా 

గురుతుందీ నాకింకా 

తగవు మరిచి పోవే

తనువు మరిచి రావే

ఆశతీరగా వడిగా ఒడిలో పడవే

 

చిలకమ్మా నను చేరుకుని 

నా చేతులకీ పని చెప్పు మరీ

అమ్మమ్మా ఊరించకనే 

ఒడిచేర్చుకుని ఓదార్చు మరీ