దేవ దేవం భజే దివ్య ప్రభావం పాట లిరిక్స్ - Deva Devam Bhaje Divya Prabhaavam Telugu Song Lyrics - Attarintiki Daaredhi (2013) Telugu Songs Lyrics

చిత్రం : అత్తారింటికి దారేది (2013)

గానం : పాలక్కాడ్ శ్రీరాం, రీటా

సాహిత్యం : రామజోగయ్య శాస్త్రి

సంగీతం : దేవీశ్రీప్రసాద్

 

దేవ దేవం భజే దివ్య ప్రభావం

రావణాసుర వైరి రణపుంగవం

రామం

దేవ దేవం భజే దివ్య ప్రభావం

 

ఆ ఆ ఆ....

వేల సుమ గంధముల గాలి అలలా...

కలల చిరునవ్వులతొ కదిలినాడు..

రాల హృదయాల తడిమేటి తడిలా

కరుణగల వరుణుడై కరిగినాడూ

అతనొక ఆకాశం అంతెరుగని శూన్యం

ఆవిరి మేఘాలె ఆతడి సొంతం

అరమరికల వైరం కాల్చెడి అంగారం

వెలుగుల వైభోగం ఆతని నయనం

ప్రాణ ఋణ బంధముల తరువును

పుడమిగ నిలుపుటె తన గుణం

 

దేవ దేవం భజే దివ్య ప్రభావం

రావణాసుర వైరి రణపుంగవం

రామం...

దేవ దేవం భజే దివ్య ప్రభావం

 

ఈ క్రింది చరణం సినిమా చివరిలో

ఎండ్ క్రెడిట్స్ వచ్చేప్పుడు ప్లే అవుతుంది

ఆడియో లో లేదు

 

ఆఆఆఅ...

కనుల తుది అంచునొక నీటి మెరుపూ..

కలలు కలగన్న నిజమైన గెలుపూ..

పెదవి తుది అంచునొక తీపి పిలుపూ..

సెగల ఏడబాటుకది మేలి మలుపూ..

భళ్ళున తెల్లారే తళ తళ తూరుపులా

వెలుగులు కురిసిందీ ఈ ఆనందం..

ఋతువులు గడిదాటే చెరగని చైత్రములా

నవ్వులు పూసిందీ ఈ ఆనందం..

జీవమదె మాధురిగ మమతలు

చిలికెను మనసను మధువనం.

 

దేవ దేవం భజే దివ్య ప్రభావం

దేవ దేవం భజే దివ్య ప్రభావం

రావణాసుర వైరి రణపుంగవం

రామం

దేవ దేవం భజే దివ్య ప్రభావం