చిత్రం : ఒకరికి ఒకరు (2003)
సంగీతం : ఎం.ఎం.కీరవాణి
సాహిత్యం : చంద్రబోస్
గానం : శ్రేయా ఘోషల్
నువ్వే నా శ్వాస
మనసున నీకై అభిలాష
బ్రతుకైన నీతోనే
చితికైన నీతోనే
వెతికేది నే నిన్నేనని
చెప్పాలని చిన్ని ఆశ
ఓ ప్రియతమా...
ఓ ప్రియతమా...!
నువ్వే నా శ్వాస
మనసున నీకై అభిలాష
పూవుల్లో పరిమళాన్ని
పరిచయమే చేశావు
తారల్లో మెరుపులన్ని
దోసిలిలో నింపావు
మబ్బుల్లో చినుకులన్ని
మనసులోన కురిపించావు
నవ్వుల్లో నవలోకాన్ని
నా ముందే నిలిపినావుగా
నీ జ్ఞాపకాలన్నీ ఏ జన్మలోనైనా
నే మరువలేనని
నీతో చెప్పాలని చిన్ని ఆశ
ఓ ప్రియతమా...
ఓ ప్రియతమా!
నువ్వే నా శ్వాస
మనసున నీకై అభిలాష
సూర్యునితో పంపుతున్నా
అనురాగపు కిరణాన్ని
గాలులతో పంపుతున్నా
ఆరాధన రాగాన్ని
ఏరులతో పంపుతున్నా
ఆరాటపు ప్రవాహాన్ని
దారులతో పంపిస్తున్నా
అలుపెరుగని హృదయ లయలని
ఏ చోట నువ్వున్నా
నీ కొరకు చూస్తున్నా
నా ప్రేమ సందేశం విని
వస్తావని చిన్ని ఆశ
ఓ ప్రియతమా...
ఓ ప్రియతమా!
కామెంట్‌లు లేవు:
కామెంట్‌ను పోస్ట్ చేయండి