చిత్రం : మోస్ట్ ఎలిజిబుల్ బ్యాచిలర్ (2021)
సాహిత్యం : సిరివెన్నెల సీతారామశాస్త్రి
సంగీతం : గోపీ సుందర్
గానం : జియా ఉల్ హక్
అరెరే ఎవ్వరూ ఎం చెప్పలేదా ఒక్కసారి
ఇన్నాళ్లు గాలిలోనే తేలి ఆడే చిట్టి అడుగా
సర్లే ఇపుడైనా తెలిసిందిగా తొలిసారి
ఇకనైనా నేల తాకి నేర్చుకోవే కొత్త నడక
ఇన్నాళ్లు నిన్నెత్తుకొని ఊరేగించిన ఈ లోకం
తన బరువు తానే సరిగా మోయలేని ఓ మాలోకం
ఇన్నాళ్లు గాలిలోనే తేలి ఆడే చిట్టి అడుగా
ఇకనైనా నేల తాకి నేర్చుకోవే కొత్త నడక
శిలలాంటి నిన్ను ఇలా శిల్పంగ మలిచింది
ఆ నవ్వులో చురకలే
నీ సొంత కలలాగ నీ కంట నిలిచింది
ఆ దివ్వెలో మెరుపులే
అచ్చంగా తనలా ఉందా అద్దం చూపే నీ రూపం
నీ సొంత చిరునామాలా కనిపిస్తోందా ఈ మలుపు
ఇన్నాళ్లు గాలిలోనే తేలి ఆడే చిట్టి అడుగా
ఇకనైనా నేల తాకి నేర్చుకోవే కొత్త నడక
ఎన్నెన్ని జన్మలైనా తెగిపోని బంధం
ఏదో ఎదురైంది నీ దారిలో
ఓ ఓ మాటలకి అందని భావం
మనసెలా గుర్తిస్తుందో తెలిసింది ఆ చెలిమితో
ఇంకెవరి కళ్ళో చూసే కలవే నువ్వు ఇన్నాళ్లు
ఎంత బాగుందో చూడు నీ తొలి వేకువ ఈనాడు
ఇన్నాళ్లు గాలిలోనే తేలి ఆడే చిట్టి అడుగా
ఇకనైనా నేల తాకి నేర్చుకోవే కొత్త నడక
అరెరే ఎవ్వరూ ఏం చెప్పలేదా
ఒక్కసారి ఇన్నాళ్లు గాలిలోనే
గాలిలోనే తేలి ఆడే చిట్టి అడుగా
సర్లే ఇపుడైనా తెలిసిందిగా తొలిసారి
ఇకనైనా నేల తాకి నేర్చుకోవే కొత్త నడక
ఇన్నాళ్లు నిన్నెత్తుకొని ఊరేగించిన ఈ లోకం
తన బరువు తానే సరిగా మోయలేని ఓ మాలోకం
ఇన్నాళ్లు గాలిలోనే తేలి ఆడే చిట్టి అడుగా
ఇకనైనా నేల తాకి నేర్చుకోవే కొత్త నడక
ఇన్నాళ్లు గాలిలోనే తేలి ఆడే చిట్టి అడుగా
ఇకనైనా నేల తాకి నేర్చుకోవే కొత్త నడక
కామెంట్‌లు లేవు:
కామెంట్‌ను పోస్ట్ చేయండి