భగభగమని ఎగసిన మంటలు ఏ కాంతి కోసమో పాట లిరిక్స్ - Bhaga Bhagamani Yegasina Mantalu Telugu Song Lyrics - Kanche (2015) Telugu Songs Lyrics

చిత్రం : కంచె (2015)

సంగీతం : చిరంతన్ భట్

సాహిత్యం : సిరివెన్నెల సీతారామశాస్త్రి

గానం : విజయ్ ప్రకాష్

 

భగభగమని ఎగసిన మంటలు ఏ కాంతి కోసమో..

ధగధగమని మెరిసిన కత్తులు ఏ శాంతి కోసమో..

 

ఏపంటల రక్షణకీ కంచెల ముళ్ళూ

ఏబ్రతుకును పెంచుటకీ నెత్తుటి జల్లు

ఏ స్నేహం కోరవు కయ్యాల కక్షలు

ఏ దాహం తీర్చవు ఈ కార్చిచ్చులు

 

ప్రాణమె పణమై ఆడుతున్న జూదం

ఇవ్వదే ఎపుడూ ఎవరికీ ఎలాంటి గెలుపు

చావులో విజయం వెతుకు ఈ వినోదం

పొందదే ఎపుడూ మేలు కొలుపు మేలుకొలుపు

 

అంతరాలు అంతమై అంతా ఆనందమై

కలసి మెలసి మనగలిగే కాలం చెల్లిందా

చెలిమి చినుకు కరువై పగల సెగలు కొలువై

ఎల్లలతో పుడమి వొళ్ళు నిలువెల్లా చీలిందా..

 

నిశి నిషాద కరోన్ముక్త దురిత శరాఘాతం

మృదులాలస స్వప్నాలస హృత్ కపోత పాతం

పృథు వ్యధార్త పృధ్విమాత నిర్ఘోషిత చేతం

నిష్టుర నిశ్వాసంతో నిశ్చేష్టిత గీతం

ఏ విషబీజోద్భూతం ఈ విషాద భూజం

 

ప్రాణమె పణమై ఆడుతున్న జూదం

ఇవ్వదే ఎపుడూ ఎవరికీ ఎలాంటి గెలుపు

చావులో విజయం వెతుకు ఈ వినోదం

పొందదే ఎపుడూ మేలు కొలుపు మేలుకొలుపు

 

భగభగమని ఎగసిన మంటలు ఏ కాంతి కోసమో..

ధగధగమని మెరిసిన కత్తులు ఏ శాంతి కోసమో..