ఏ దారెదురైనా ఎటువెళుతుందో అడిగానా పాట లిరిక్స్ - Ye Daareduraina Yetuveluthundho Adigaana (Life Of Ram) Telugu Song Lyrics - Jaanu (2020) Telugu Songs Lyrics

చిత్రం : జాను (2020) 

సంగీతం : గోవింద్ వసంత  

సాహిత్యం : సిరివెన్నెల సీతారామశాస్త్రి    

గానం : ప్రదీప్ కుమార్  

 

ఏ దారెదురైనా ఎటువెళుతుందో అడిగానా

ఏం తోచని పరుగై ప్రవహిస్తూ పోతున్నా

ఏం చూస్తూ ఉన్నా నే వెతికానా ఏదైనా

ఊరికనే చుట్టూ ఏవేవో కనిపిస్తూ ఉన్నా

 

కదలని ఓ శిలనే అయినా 

త్రృటిలో కరిగే కలనే అయినా

ఏం తేడా ఉందట నువ్వెవరంటూ 

అడిగితే నన్నెవరైనా

ఇల్లాగే కడదాకా ఓ ప్రశ్నై ఉంటానంటున్నా

ఏదో ఒక బదులై నను చెరపొద్దని 

కాలాన్నడుగుతు ఉన్నా

 

నా వెంటపడి నువ్వెంత ఒంటరివనొద్దు 

అనొద్దు దయుంచి ఎవరు

ఇంకొన్ని జన్మాలకి సరిపడు 

అనేక శృతుల్ని ఇతరులు ఎరగరు

 

నా ఊపిరిని ఇన్నాళ్ళుగా 

తన వెన్నంటి నడిపిన చేయూత ఎవరిది

నా ఎద లయలు కుశలము అడిగిన

గుస గుస కబురుల ఘుమ ఘుమ లెవరివీ

 

ఉదయం కాగానే 

తాజాగా పుడుతూ ఉంటా

కాలం ఇపుడే నను కనదా

అనగనగా అంటూ నే ఉంటా 

ఎపుడూ పూర్తవనే అవకా

తుది లేని కథ నేనుగా

 

గాలి వాటం లాగా 

ఆగే అలవాటే లేక

కాలు నిలవదు యే చోటా

నిలకడగ

యే చిరునామా లేక

యే బదులు పొందని లేఖ

ఎందుకు వేస్తుందో కేక

మౌనంగా

 

నా వెంటపడి నువ్వెంత ఒంటరివనొద్దు 

అనొద్దు దయుంచి ఎవరు

ఇంకొన్ని జన్మాలకి సరిపడు 

అనేక శృతుల్ని ఇతరులు ఎరగరు

 

నా ఊపిరిని ఇన్నాళ్ళుగా 

తన వెన్నంటి నడిపిన చేయూత ఎవరిది

నా ఎద లయలు కుశలము అడిగిన

గుస గుస కబురుల ఘుమ ఘుమ లెవరివీ

 

లోలో ఏకాంతం 

నా చుట్టూ అల్లిన లోకం

నాకే సొంతం అంటున్నా విన్నారా

నేనూ నా నీడా ఇద్దరమే చాలంటున్నా 

రాకూడదు ఇంకెవరైనా..

 

అమ్మ ఒడిలో మొన్న 

అందని ఆశలతో నిన్న

ఎంతో ఊరిస్తూ ఉంది

జాబిల్లి అంత దూరానున్నా 

వెన్నెలగా చెంతనే ఉన్నా

అంటూ ఊయలలూపింది జోలాలి

 

తానే... నానే... నానినే...

తానే... నానే... నానినే...

తానే... నానే... నానినే...

తానే... నానే... నానినే...

తానే... నానే... నానినే...

తానే... నానే... నానినే...