అందెల రవమిది పదములదా పాట లిరిక్స్ - Andela Ravamidi Padhamuladhaa Song Lyrics in Telugu - Swarnakamalam (1988) Telugu Songs Lyrics

చిత్రం : స్వర్ణ కమలం (1988)

సంగీతం : ఇళయరాజా

సాహిత్యం : సిరివెన్నెల సీతారామశాస్త్రి

గానం : యస్.పి.బాలసుబ్రహ్మణ్యం, వాణీ జయరాం

 

గురు బ్రహ్మః గురు విష్ణుః 

గురుదేవో మహేశ్వరః

గురుసాక్షాత్ పరబ్రహ్మః ఆ.. ఆ

గురు సాక్షాత్ పరబ్రహ్మః  ఆ.. ఆ

తస్మై శ్రీ గురవే నమ:

 

ఓం నమో నమో నమశ్శివాయ

 

మంగళప్రదాయ గోతురంగతే నమః శివాయ

గంగయా తరంగితోత్తమాంగతే నమః శివాయ

 

ఓం నమో నమో నమశ్శివాయ

 

శూలినే నమో నమః కపాలినే నమః శివాయ

పాలినే విరంచితుండ మాలినే నమః శివాయ

 

అందెల రవమిది పదములదా

అందెల రవమిది పదములదా

అంబరమంటిన హృదయముదా

అందెల రవమిది పదములదా

అంబరమంటిన హృదయముదా

అమృత గానమిది పెదవులదా

అమితానందపు ఎద సడిదా

 

సాగిన సాధన సార్ధకమందగ

యోగ బలముగా యాగ ఫలముగా

సాగిన సాధన సార్ధకమందగ

యోగ బలముగా యాగ ఫలముగా

బ్రతుకు ప్రణవమై మ్రోగు కదా

 

అందెల రవమిది పదములదా ఆ.. ఆ

 

మువ్వలు ఉరుముల సవ్వడులై

మెలికలు మెరుపుల మెలకువలై

మువ్వలు ఉరుముల సవ్వడులై

మెలికలు మెరుపుల మెలకువలై

మేను హర్ష వర్ష మేఘమై.. ఆ.. ఆ..

వేణి విసురు వాయు వేగమై.. ఆ.. ఆ

 

అంగ భంగిమలు గంగ పొంగులై

హావభావములు నింగి రంగులై

లాస్యం సాగే లీల.. రస ఝరులు జాలువారేలా

 

జంగమమై జడమాడగా జలపాత గీతముల తోడుగా

పర్వతాలు ప్రసవించిన పచ్చని ప్రకృతి ఆకృతి పార్వతి కాగా

అందెల రవమిది పదములదా?... ఆ.. ఆ...

 

నయన తేజమే నకారమై

మనో నిశ్చయం మకారమై

శ్వాస చలనమే శికారమై

వాంచితార్ధమే వకారమై

యోచన సకలము యకారమై

 

నాదం నకారం మంత్రం మకారం

స్తోత్రం శికారం వేదం వకారం

యజ్ఞం యకారం ఓం నమశ్శివాయ

 

భావమె భవునకు భావ్యము కాగా

భరతమె నిరతము భాగ్యము కాగా

 

తుహిన గిరులు కరిగేలా తాండవమాడే వేళా

ప్రాణ పంచమమె పంచాక్షరిగా పరమపధము ప్రకటించగా

ఖగోళాలు పద కింకిణులై పది దిక్కుల ధూర్జటి ఆర్భటి రేగా

 

అందెల రవమిది పదములదా

అంబరమంటిన హృదయముదా

అమృత గానమిది పెదవులదా

అమితానందపు ఎద సడిదా

అందెల రవమిది పదములదా ఆ.. ఆ..