ప్రేయసి కావు నేస్తం కావు పాట లిరిక్స్ - Preyasi Kavu Nestham Kavu Telugu Song Lyrics - Vennela (2005) Telugu Songs Lyrics

నాకు ఇష్టమైన సినిమాల్లో ' వెన్నెల '

ఒకటి, 2005 లో వచ్చిన ఈ చిత్రం 

చాల తక్కువ బడ్జెట్ తో అమెరికా బ్యాక్ డ్రాప్ లో 

చిత్రీకరించారు.అక్కడ ఎం.ఎస్ చదవటానికి వెళ్లిన 

నలుగురు యువకుల కధ, మంచి కధ, కథనాల తో 

దర్శకుడు దేవా కట్టా గారు చాల బాగ ఈ సినిమాని తీసారు.

ఈ చిత్రంలోని ప్రేయసి కావు పాట 

నాకు చాల ఇష్టమైన పాట 

ఈరోజు మన నేను నా పాట లో 

ఇక్కడ ఈ పాటని చూడండి

చిత్రం : వెన్నెల (2005)

సాహిత్యం : దేవ కట్టా
సంగీతం : మహేష్ శంకర్
గానం : రిషి


ప్రేయసి కావు.. నేస్తం కావు..

గుండెల్లో నిండున్నావు
గుప్పెట్లో దాగున్నావు

చీకట్లో వెలుగిస్తావు
జగమంతా కనిపిస్తావు..

పండుగ నీవు... నా పచ్చిక నీవు...
పండుగ నీవు... నా పచ్చిక నీవు...

మోహమే మంటగా రగులుతున్నా

లోకమే నీవుగా మునిగివున్నా

గాలిలో ఈకల తేలుతున్నా

నీటిలో రాతలా చెదిరివున్నా

నీ శ్వాసకోసం మానై ఉంటా
నీ మాటకోసం మునినై పోతా
నీ చూపు కోసం శిలనై ఉంటా
నీ నవ్వుకోసం అలుసై పోతా

జాబిలికే వెన్నెల నీవు
సూర్యునికే వేకువ నీవు

ఊపిరిలో ఉష్ణం నీవు
ఊరించే తృష్ణం నీవు

శూన్యం నీవు నా శోకం నీవు
శూన్యం నీవు నా శోకం నీవు

వేసవి వర్షమై కురిసిపోవా
వెచ్చని వేకువై వెలిగిరావా
మాటతో రూపమై తరలిరావా
నిర్ణయం చెప్పి నన్ను ఆదుకోవా

నీ తోడుకోసం ఆవిరైపోనా
నీ స్పర్శకోసం చినుకై రానా
నీ అడుగు తాకి గుడినైపోనా
నీ గుండెలోకి సడినై రానా

నీలానికి నింగివి నీవు
కాలానికి గమ్యం నీవు
చలనానికి శక్తివి నీవు
భావానికి మూలం నీవు

ఎవ్వరి కోసం ఈ జాబిలి వేషం
కమ్మని కావ్యం ఈ వెన్నెల దీపం

ఎవ్వరి కోసం ఈ జాబిలి వేషం
కమ్మని కావ్యం ఈ వెన్నెల దీపం