నీ నవ్వు చెప్పింది నాతో నేనెవ్వరో ఏమిటో పాట లిరిక్స్ - Nee Navvu Cheppindi Naatho Nenevvaro Emito Song Lyrics in Telugu - Antham (1990) Telugu Songs Lyrics

ఇక్కడ ఈ పాట వినండి 

చిత్రం  : అంతం (1990)
సాహిత్యం : సిరివెన్నెల సీతారామశాస్త్రి
సంగీతం :  ఆర్.డి.బర్మన్
గానం : యస్.పి.బాలసుబ్రహ్మణ్యం








నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళలోటేమిటో

హో లలాలల హో లలాలల

నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళలోటేమిటో

నాకై చాచిన నీ చేతిలో చదివాను నా నిన్ననీ
హో నాకై చాచిన నీ చేతిలో చదివాను నా నిన్ననీ

నాతో సాగిన నీ అడుగులో చూసాను మన రేపుని
పంచేందుకే ఒకరులేని బతుకెంత బరువో అని
ఏ తోడుకి నోచుకోని నడకెంత అలుపో అని

నల్లని నీ కనుపాపలలో ఉదయాలు కనిపించనీ

నల్లని నీ కనుపాపలలో ఉదయాలు కనిపించనీ
వెన్నెల పేరే వినిపించనీ నడిరేయి కరిగించనీ 

నా పెదవిలోనూ ఇలాగే చిరునవ్వు పుడుతుందని
నీ సిగ్గు నా జీవితాన తొలిముద్దు పెడుతుందని

ఏనాడైతే ఈ జీవితం రెట్టింపు బరువెక్కునో

ఏనాడైతే ఈ జీవితం రెట్టింపు బరువెక్కునో
తనువు మనసూ చెరిసగమని పంచాలి అనిపించునో  

సరిగా అదే శుభముహూర్తం సంపూర్ణమయ్యేందుకు 
మనమే మరో కొత్త జన్మం పొందేటి బంధాలకు 

హా లలాలల హా లలాలల

నీ నవ్వు చెప్పింది నాతో నేనెవ్వరో ఏమిటో
నీ నీడ చూపింది నాలో ఇన్నాళ్ళలోటేమిటో